चिंचलेखैरे ता. इगतपुरी हे भारतातील महाराष्ट्र राज्यातीतील नाशिक जिल्ह्यातल्य इगतपुरी तालुक्यात वसलेले एक अतिदुर्गमभागात डोंगराळ भागात वसलेले आहे सुंदर गाव आहे. चिंचलेखैरे हे गाव मुंबई महामार्ग घाटन देवि मंदिर खाली कसारा घाटातील डोंगर रंगामध्ये वसलेले आहे .

 गावाची लोकसंख्य२०११च्या जनगणनेनुसार ११८९  इतकी आहे  तसेच २०२५ची १६४१ आहे येथील घरांची एकूण संख्या २७६  इतकी आहे. येथील स्त्रियांची लोकसंख्या एकूण लोकसंखेच्या ४८.८% इतकी असून स्त्री साक्षरतेचे प्रमाण ३०.८% आणि एकूण साक्षरतेचे प्रमाण ५८.२% इतके आहे. चिंचलेखैरे हे  गाव नाशिक जिल्ह्यापासून ६२  कि.मी. तसेच इगतपुरी येथून १०  कि.मी. तर महाराष्ट्राची राजधानी मुंबईपासून १३०  किमी वर स्थित आहे.

चिंचलेखैरे येथे साध्रणात: ३००० मी मी पाऊस पडतो.त्त्यामुळे पावसाळ्यामध्ये गावचे सौंदर्या धबधबे ,झरे यांनी अधिक खुलून दिसते. चिंचलेखैरे येथे २७७ हेक्टर एवढी वन जमीन आहे. तसेच पिका खालील एकूण क्षेत्र ५६७ हेक्टर एवढे आहे. चिल्चिंचलेखैरे येथे प्रामुख्याने भात,वरई,नागली ही पिके गघेतली जातात.चिंचलेखैरे गावाला ५ वाड्या असून त्या खाजगी गटामध्ये वसलेल्या आहेत चिंचलेखैरे पश्चिम दिशेला त्रिंगलवाडी धरण आहे तरी त्रिंगल वाडी किल्ला ही जवळ च आहे.

 ग्रामपंचायतीस घरपटटी, नळपटटी हया सारखे प्रमुख उत्पन्नाचे स्त्रोत आहे. ग्रामपंचायतीने गावाच्या विकासा बरोबर शासनाच्या अनेक योजनांच्या माध्यमातुन वैयक्तिक लाभाच्या योजना राबविल्या आहेत. त्यामध्ये इंदीरा आवास योजना, प्रधानमंत्री आवास योजना, शबरी आवास योजना, समाज कल्याण विभागाच्या योजना, अपंगासाठी शासनाचे योजनेतुन साहीत्य वाटप, राष्ट्रीय वृध्दापकाळ पेन्शन योजना, संजय गांधी निराधार योजना हया सारख्या शासनाच्या अनेक कल्याणकारी योजनांचा लाभ ग्रामस्थांना मिळवुन दिला आहे.

ग्रामपंचायत दरवर्षी उत्पन्नात वाढ होण्याच्या दृष्टीने विविध प्रकारे प्रयत्न करत असुन सध्या ग्रामपंचायतीचे वार्षीक निव्वळ उत्पन्न १ ते २  लाख रूपये पर्यंत आहे. तसेच ग्रामपंचायतीने ग्रामस्थांना मुलभुत सोयी सुविधा तसेच समाज उपयोगी अनेक विकासकामे करून गावाचा विकास करण्याचा प्रयत्न केलेला आहे.

चिंचलेखैरे  गावातील मेन रस्ते डांबरीकरण / काँक्रीटीकरण करण्याचे काम पुर्णत्वास येत आहे. त्यासाठी स्थानिक आमदार निधी, ठक्कर बाप्पा योजना, पर्यावरण योजना निधी, जनसुविधा निधी द्वारे रस्ते काँक्रीटीकरणाचे काम करण्यात येत आहे. गावातील सांडपाणी व्यवस्थापन अंतर्गत संपुर्ण गावात भुमिगत गटार / शोषखडडे व धनकचरा शेड बांधण्यात आल्या असुन त्याचे पाणी शोष खड्या मध्ये सोडले जाते.गावामध्ये ३ शाळा ,३ आंगण वाडी केंद्र आहेत त्यांना भौतिक सुविधा उपलब्ध करून दिलेल्या आहेत.तसेच महाराष्ट्र ग्रामीण रोजगार हमी योजने अंतर्गत गावा मध्ये २ कि मी रस्त्याचे यांचे काम ग्रामपंचायती ने केलेले आहे. व जल जिवन मिशन योजना अंमल बजावणी करण्यात आली आहे